 |
Raniej tym, chto, atrymaŭšy jaje, nie źviartaŭsia ŭ vajenkamaty, telefanavali i prychodzili supracoŭniki milicyi. Ciapier da ich u niekatorych rajonach dałučylisia supracoŭniki žyllova‑kamunalnych słužbaŭ.
Heta paćvierdziŭ Mikałaj Karžoŭ, hałoŭny inžynier u 89‑m ŽESie Minsku:
Karžoŭ: Pozvy naš dyrektar pryvozić z «latučki», dzie źbirajucca dyrektary ŭsich ŽESaŭ. A paśla ich raznosić infarmacyjna‑apaviaščalnaja hrupa . Siarod jaje dvorniki, majstry, ślesary, elektryki.
U Ministerstvie žyllova‑kamunalnaj haspadarki, Ministerstvie abarony i Ministerstvie ŭnutranych spravaŭ pra hetaje novaŭviadzieńnie ničoha nie viedajuć.
U hałoŭnym vytvorčym upraŭleńni žyllovaj haspadarki Minharvykankamu vykazali mierkavańnie, što heta pryvatnaja inicyjatyva na miescach, bo ŽESy i UUS zvyčajna supracoŭničajuć.
Supracoŭnik upraŭleńnia: Nas aficyjna nie prymušajuć raznosić pozvy. Ale pa prośbach, bo UUS nam dapamahaje pracavać z nasielnictvam, takija varyjanty mahčymyja. Bo isnujuć śpiecyjalnyja hrafiki pa sumiesnym naviedvańni daŭžnikoŭ supracoŭnikaŭ ŽKH i ŭčastkovych.
Takim čynam, u balšyni rajonaŭ tym pryzyŭnikam, što nie źjavilisia ŭ vajenkamatach paśla pozvaŭ, dasłanych poštaj, dahetul raznosiać učastkovyja. Pra heta nam raspavioŭ staršy ŭčastkovy Anatol Siamaška:
Siamaška: My vybyvajem na adras, dzie žyvuć pryzyŭniki i jany piśmova papiaredžvajucca pra abaviazkovaść jaŭki. Paśla 3‑ch pozvaŭ z vajenkamatu nam nakiroŭvajucca ŭžo asabistyja spravy dla ŭzbudžeńnia spravaŭ kryminalnych.
Na naš aporny punkt u paniadziełak ja atrymaŭ try asabistyja spravy, u vieraśni pryjšło jašče dźvie.
