Adpaviednyja papraŭki ŭ zakon «Pra zaniataść nasielnictva» napiaredadni pryniali ŭ druhim čytańni deputaty Pałaty pradstaŭnikoŭ Nacyjanalnaha schodu Biełarusi. Ciapier orhany pa pracy, zaniataści j sacabaronie pry atrymańni sudovaj pastanovy pra pracaŭładkavańnie niadbałych baćkoŭ abaviazany pracaŭładkavać ich ciaham troch dzion. Pry hetym zarobak musić całkam pakryvać vydatki na ŭtrymańnie dziaciej, i baćku abo matcy musić jašče zastacca nia mienš za 30% ad sumy. U vypadku, kali hora‑baćki nia źjaviacca na pracu, orhany pa pracy, zaniataści j sacabaronie musiać nie paźniej za try dni paviedamić pra heta ŭ sud.
