Ŭ suviazi z ramontam čyhunačnaha mosta ŭ Babrujsku 8‑10 kastryčnika buduć źmienienyja maršruty i hrafiki ciahnikoŭ. Budzie začynieny ŭčastak čyhunki Asipovičy‑Žłobin, z‑za čaho 14 dalnich maršrutaŭ buduć iści praz Mahiloŭ, a nie praz Babrujsk, pry hetym čas pajezdki pavialičycca na dźvie hadziny. Niekatoryja ciahniki buduć admienienyja, ŭ tym liku Homiel‑Miensk, Miensk‑Homiel, Kalinkavičy‑Žytkavičy, Baranavičy‑Žytomir, Homiel‑Mahiloŭ.

Padčas ramontu budzie ŭzmocniena prajeznaja častka žalezabetonnaha mostu praź Biarezinu, zamieniena staroje mostavaje pałatno, a taksama praviedziena hidraizalacyja šerahu bierahavych žalezabetonnych pralotnych pabudoŭ mosta. Na adnaŭleńnie mostu praź Biarezinu vydatkavana 8 miljardaŭ rubloŭ. Ramontnyja raboty buduć pravodzicca i nadalej, i skončacca tolki praz try hady.

Клас
0
Панылы сорам
0
Ха-ха
0
Ого
0
Сумна
0
Абуральна
0