Pozna ŭviečary 9 kastryčnika ŭ Horadni byŭ zatrymany Viktar Sazonaŭ —kiraŭnik abłasnoj arhanizacyi BSDH St.Šuškieviča. Heta adbyłosia na čyhunačnym vakzale.

Viktar zdoleŭ paviedamić svajmu adnapartyjcu Uładzimiru Chilmanoviču, što jaho spačatku dastavili ŭ abłasny narkalahičny dyspanser na vuł.Ščorsa, kab spraŭdzić na najaŭnaść alkaholu. Paśla hetaha jaho advieźli ŭ Leninski RAUS.

Spadar Sazonaŭ taksama paviedamiŭ, što ŭ dyspansery jon bačyŭ kiraŭnika abłasnoj arhanizacyi AHP Juryja Istomina i jahonaha adnapartyjca Dźmitryja Słuckaha.

Siarhiej Astraŭcoŭ, Radio Free Europe / Radio Liberty

***

Učora ŭ Niaśvižy zatrymlivali Nastu Azarku. Na tutejšuju aktyvistku ŭ milicyi skłali pratakoł pa artykule 29.1. za rasklejvańnie nalepak. Sud maje adbycca ŭ kancy kastryčnika.

Pavodle mfront.net

***

Aktyvist Ruchu «Za Svabodu» Ivan Roman zatrymany 9 kastryčnika ŭ Hrodna. Jaho dastavili ŭ Leninski RAUS, dzie jon pravioŭ noč. Siońnia aktyvista čakaje sud.

Ivan Roman uviečary viartaŭsia dachaty. Jaho zatrymali ŭ rajonie vulicy Horkaha, zavieźli ŭ Leninski RAUS.

Dziažurny milicyjant skazaŭ radyjo Svaboda, što Ivan Roman zatrymany za niecenzurnuju łajanku i zaŭtra jaho dastaviać u sud.

***

Uviečary 9 kastryčnika na kvateru 26‑hadovaha Alaksandra Atroščankava pryjšli milicyjaniery, kab znajści schavany tam trup.

Supracoŭniki milicyi paviedamili Alaksandru Atroščankavu, što da ich pastupiŭ sihnał pra schavany trup u kvatery pa vulicy Haradski Vał, 8. Hetu kvateru zdymaje siamja Atroščankava.

Trup nie znajšli, ale padčas vobysku ŭ aktyvista kanfiskavali drukavanuju pradukcyju i sistemny błok kampjutera. Sam Atroščankaŭ aryštavany i zaraz čakaje suda. U čym jaho abvinavačvajuć, nieviadoma.

Radyjo Racyja

Клас
0
Панылы сорам
0
Ха-ха
0
Ого
0
Сумна
0
Абуральна
0