Źmicier Daškievič

Novuju kryminalnuju spravu suprać sustaršyni niezarehistravanaha «Maładoha frontu» Źmitra Daškieviča pieradali ŭ škłoŭskuju prakuraturu. Źmitra Daškieviča abvinavačvajuć u admovie śviedčyć suprać siabroŭ «Maładoha frontu». Źmicier sam adbyvaje paŭtara hodu źniavoleńnia za ŭdzieł u niezarehistravanaj arhanizacyi. Ciapier jamu pahražaje novy termin źniavoleńnia, jaki jon moža adbyvać u toj ža škłoŭskaj turmie.

Kryminalnuju spravu suprać Źmitra Daškieviča za admovu davać pakazańni suprać svaich paplečnikaŭ raspačali škłoŭskija milicyjanty. Raniej na prapanovu śledčaha salihorskaj prakuratury raspačać kryminalny pieraśled maładafrontaŭca škłoŭskija kalehi dali admoŭny adkaz.

U vyniku vieści spravu pahadzilisia škłoŭskija milicyjanty. Źmicier Daškievič nia staŭ supracoŭničać sa śledztvam, paličyŭšy dziejańni milicyjantaŭ niezakonnymi. Niahledziačy na heta, milicyjanty pieradali kryminalnuju spravu ŭ prakuraturu, kab atrymać sankcyju dla pieradačy jaje ŭ sud.


Mikoła Statkievič

Lider pazbaŭlenaj rehistracyi sacyjał‑demakratyčnaj partyi «Narodnaja Hramada» Mikoła Statkievič padtrymlivaje Źmitra i taksama ličyć novuju kryminalnuju spravu parušeńniem normaŭ pracesualnaha prava:

«Hety artykuł nia moža być užyty, bo, zhodna z 27‑ym artykułam Kanstytucyi, hramadzianin Respubliki Biełaruś maje prava admovicca śviedčyć suprać samoha siabie. A hetaja sprava, pavodle jakoj jaho dapytvajuć, ahulnaja sprava suprać usiaho «Maładoha frontu». Hetaja kryminalnaja sprava pryciahnutaja štučna. Pryciahnutaja tolki dla taho, kab zapałochać moładź, kab dać syhnał, što pakarańnie budzie žorstkim, maŭlaŭ, nia jdzicie, bo vas žorstka pakarajuć».


Pavał Sieviaryniec
Pavał Sieviaryniec ličyć, što moładzievyja aktyvisty musiać raspačać u hramadztvie kampaniju salidarnaści sa Źmitrom Daškievičam:

«Faktyčna «Małady front» ciapier u centry ŭvahi. Bjučy pa Daškieviču, bjuć pa tych zmaharach, jakija ciapier, umoŭna kažučy, trymajuć liniju frontu ŭ zmahańni z režymam. Tamu heta pasłańnie ŭłady nam usim. Jak my na jaho adreahujem — heta, što nazyvajecca, našaja sprava. Mnie padajecca, što nam patrebnaja kampanija salidarnaści sa Źmitrom Daškievičam, z maładafrontaŭcami i, biezumoŭna, hodny adkaz na takija sproby šantažu i zakładnictva».

Śledčyja ŭ roznych rehijonach Biełarusi dapytvajuć niekalkich maładafrontaŭcaŭ ŭ kryminalnaj spravie, raspačataj KDB suprać «Maładoha frontu». Praz sudy prajšli kala dziasiatka aktyvistaŭ arhanizacyi. Pieršym sudzili Źmitra Daškieviča

Sustaršynia «Maładoha frontu» Źmicier Daškievič znachodzicca pad vartaj ad 15 vieraśnia 2006 hodu. Za čas adbyćcia pakarańnia administracyja kalonii vyniesła jamu piać spahnańniaŭ za drobnyja parušeńni turemnaha režymu. U vyniku, pavodle zakanadaŭstva, jon pazbaŭleny mahčymaści vyjści na volu pa amnistyi ci ŭmoŭna‑daterminova.

Kali prakuratura pahodzicca z vysnovami śledčych milicyi i pieradaść spravu ŭ sud, Źmitru Daškieviču mohuć dadać jašče adzin termin źniavoleńnia. Advakat Źmitra Alaksandr Halijeŭ nie vyklučaje, što adbyvać pakarańnie jahony padabaronny budzie ŭ toj ža škłoŭskaj turmie.

Luboŭ Łuniova, Radio Free Europe / Radio Liberty

Клас
0
Панылы сорам
0
Ха-ха
0
Ого
0
Сумна
0
Абуральна
0