Vasil Kamienka

Za dzieviać miesiacaŭ biahučaha hodu Ministerstva padatkaŭ i zboraŭ pieraličyła ŭ biudžet bolš za 18 trłn. rub., što składaje 103,2% ad zaplanavanaha pakazčyku, paviedamiŭ žurnalistam namieśnik ministra pa padatkach i zborach Vasil Kamienka. U toj ža čas, paviedamiŭ namieśnik ministra, u cieniavym sektary ekanomiki štohod pradukujecca kala 10‑15% VUP, a ŭ minułym hodzie padatkovyja słužby nie daličylisia praz heta 6 trłn. rubloŭ.

«My addajom pieravahu pazaplanavym rejdavym pravierkam, bo heta adziny efektyŭny sposab vyjaŭleńnia niezakonnaj pradprymalnickaj dziejnaści» — raspavioŭ V. Kamienka. Sioleta było praviedziena bolš za 27 tys. rejdaŭ, u 80% vypadkaŭ byli vyjaŭlenyja parušeńni, a ŭ biudžet patrapiła 32,9 młrd. rub., što na 20%, čym za analahičny peryjad minułaha hodu. Planava padatkovyja inspektary pravieryli 54 tys. arhanizacyjaj i indyvidualnych pradprymalnikaŭ, u vyniku čaho biudžet papoŭniŭsia na 140 młrd. rub.

Dapamahaje Ministerstvu i telefon davieru: 108 telefananvańnia pilnych hramadzianaŭ uzbahacili biudžet na 104 młn. rub.

Balučaj dla Ministerstva zastajecca pytańnie nielehalnych taksovach, budaŭnictva i ramontu. Sp. Kamienka vykazaŭ škadavańnie ŭ suviazi sa źmiakčeńniem pakarańnia dla nielehalnych taksoŭščykaŭ: «Ciapier ich tolki štrafujuć, nie kanfiskujučy transpartny srodak, a heta spryjaje tamu, što hety biznes nia tolki nia zhortvajecca, ale j atrymlivaje dadatkovy stymuł». Sa studzienia 2007 h. da administracyjnaj adkaznaści pryciahnuli bolš za 300 čałaviek, ahulnaja suma štrafaŭ skłała kala 240 młn. rub.

Efektyŭnymi sposabami kantrolu i pravierki namieśnik ministra ličyć kantrolnyja zakupki i markiroŭku kantrolnymi markami. Za aznačany peryjad było praviedziena 9365 pravierak, jakim papiaredničali kantrolnyja zakupki. Ahulnaja suma štrafaŭ i kanfiskacyjaj materyjalnych kaštoŭnaściaŭ aceńvajucca ŭ 8 młrd. rub. Ad 1 listapada kantrolnyja marki źjaviacca na mineralnych napojach i televizarach, ź 1 sakavika budučaha hodu na vocacie i jaho zamianialnikach, a taksama na hadzińnikach. Usiaho markiravańnie katrolnymi znakami achoplivaje 16 tavarnych hrupaŭ. «Bolej nam i nia treba» — kaža sp. Kamienka.

Vasil Kamienka adznačyŭ pazytyŭnuju tendencyju: kolkaść padatkaŭ, što traplaje ŭ biudžet prymusovym šlacham skaraciłasia suprać 2000 h. z 20% da 7,5% u biahučym hodzie. Skaračajecca i kolkaść sudovych spravaŭ, źviazanych ź dziejnaściu fiskalnych orhanaŭ. Za 9 miesiacaŭ 2007 h. biełaruskimi sudami razhledžana 7833 takich spravaŭ. Pa vynikach hodu ich kolkaść moža skłaści kala 12 tys.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?