Viktoryja Azaranka

U Maskvie praciahvajecca rozyhryš tenisnaha turniru «Kubak Kramla».

Biełaruskaja tenisistka Viktoryja Azaranka ŭčora ŭpeŭniena pieramahła aŭstryjačku Sabil Bamer — 6:3, 6:4. U druhim raŭndzie Viku čakała kudy bolš hroznaja supiernica — čaćviortaja rakietka śvietu Maryja Šarapava.

Biełaruska, jakaja zajmaje ŭ suśvietnym rejtynhu 32‑hi radok, tolki adnojčy pieramahała pradstaŭnic pieršaj dziasiatki, zusim niadaŭna pieramožanaj akazałasia Nadzieja Piatrova.

Siońnia Azaranka pa ŭsich pakaźnikach akazałasia macniej hroznaj Šarapavaj. Napružany pieršy set skončyŭsia taj‑brejkam, u jakim nervy biełaruski akazalisia macniejšymi — 11:9. Druhi ž set prajšoŭ całkam pad dyktoŭku Viki, jana praktyčna adrazu ŭziała padaču Šarapavaj, potym jašče adnu, paśla čaho nie vypuskała chod hulni — 6:2.

Supiernicaj 18‑hadovaj biełaruski ŭ čverćfinale budzie jašče adna rasijanka Alena Dziamienćjeva. U parnym razradzie Viktoryja vystupaje z Taćcianaj Pučak.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?