Amerykanski prezydent Džordž Buš zaklikaŭ Kanhres ZŠA nie prymać rezalucyi, jakaja klasyfikuje jak hienacyd hibiel 1,5 młn. armianaŭ na terytoryi Asmanskaj imperyi ŭ 1915‑1917 hadach.

Za niekalki hadzinaŭ da hałasavańnia pa rezalucyi ŭ kamitecie pa mižnarodnych spravach Džordž Buš zajaviŭ, što pryniaćcie rezalucyi «naniasie vialikuju škodu» adnosinam z Turcyjaj.

Buš ukazaŭ na toje, što Turcyja źjaŭlajecca pamiarkoŭna musulmanskaj krainaj — siabram NATO, terytoryja jakoj źjaŭlajecca najvažniejšym tranzytnym punktam dla hruzaŭ, jaki skiroŭvajucca ZŠA ŭ Irak i Aŭhanistan.

«Hetaja rezalucyja nie źjaŭlajecca pravilnym adkazam na masavyja zabojstvy, jakija stali historyjaj. Jaje pryniaćcie naniasie vialikuju škodu našym dačynieńniam z klučavym sajuźnikam u NATO i hlabalnaj vajnie z teraryzmam», ‑‑ skazaŭ Buš.

Prezydent ZŠA nieadnarazova zajaŭlaŭ, što pytańniem pra hienacyd pavinny zajmacca historyki, a nie zakanadaŭcy.

Niezadoŭha da Buša z zaklikam nie prymać rezalucyi da Kanhresu ZŠA źviarnułasia dziaržsakratar Kandaliza Rajs, jakaja nazvała pryniaćcie rezalucyi «vielmi prablematyčnym» dla stasunkaŭ ZŠA z Turcyjaj na Blizkim Uschodzie.

Pavodle jaje, zakonaprajekt mieŭ by «destabilizujučy ŭpłyŭ na toje, što my sprabujem rabić u Iraku i Aŭhanistanie».

Rezalucyja ab pryznańni hienacydu armianaŭ 1915 h. karystajecca padtrymkaj z boku demakrataŭ, u tym liku śpikiera Pałaty pradstaŭnikoŭ Nensi Pełasi. Mnohija z tych, chto padtrymlivaje pryniaćcie rezalucyi, paraŭnoŭvajuć pryznańnie zabojstvaŭ armianaŭ z Chałakostam.

U nakiravanym Bušu ŭ aŭtorak liście prezydent Turcyi Abduła Hiul zaklikaje prezydenta ZŠA «udzialić uvahu surjoznym prablemam, jakija ŭźniknuć ŭ dvuchbakovych adnosinach, kali rezalucyja budzie pryniataja».

U samoj Turcyi kateharyčna nia zhodnyja z vyznačeńniem hibieli armianaŭ u 1915 h. jak hienacydu.

Tym nia mienš, jak stała viadoma ŭ sieradu, kamitet Kanhresu bolšaściu hałasoŭ padtrymaŭ zakonaprajekt.

Pavodle bbcrussian.com

Клас
0
Панылы сорам
0
Ха-ха
0
Ого
0
Сумна
0
Абуральна
0