Viečaram 9 kastryčnika byŭ zatrymany aktyvist apazicyi A.Ja. Milicyjaniery, jakija pryjšli za im, śćviardžali, što A.Ja chavaje trup. (z materyjałaŭ presy).

Prykolna budzie, kali nie łajanka matam, a abvinavačańnie ŭ chavańni trupaŭ stanie typovaj padstavaj dla pryvientyŭnych aryštaŭ baćkafobaŭ.

11.09.2007 Napiaredadni Jeŭrapiejskaha maršu

Apazicyjanier: ( razmaŭlaje pa mabile): Słuchajcie sp. Trusaŭ, vaša kancepcyja vymaŭleńnia frykatyŭnaha “ch” u vyhavary paŭnočnych paleščukoŭ heta poŭny nonsiens. Jak kazaŭ Sienieka ŭ liście da Marka Aŭrelija...oj, prabač ja potym ciabie pieratelefanuju, paśla Akreścina. Dobry dzień, tavaryš inśpiektar, i što – znoŭ ja łajaŭsia matam?

Milicyjanier: Tak

Apazicyjanier: I što Vy heta ja skazaŭ.

Milicyjanier:....ť....iec ..uj

Apazicyjanier: Nu što rabić? Pajechali ŭ sud. Vy ž bačycie ja i z saboju navat vypadkova bauł zachapiŭ. Cha-cha-cha.

1.05.2007. Napiaredadni Sacyjalnaha maršu

Apazicyjanier : ( razmaŭlaje pa mabile): Słuchajcie sp. Trusaŭ, vaša kancepcyja vymaŭleńnia vybuchovaha “iu” u vyhavary paleščukoŭ heta poŭny nonsiens. Jak kazaŭ Hiehiel ŭ liście da Fajierbacha....oj, prabač, ja potym ciabie pieratelefanuju, praz 15 sutak. Dobry dzień, tavaryš inśpiektar, i što – znoŭ ja łajaŭsia matam. Cha-cha-cha. Znoŭ na Akreścina? A ja vypadkova navat bauł prychapiŭ.

Milicyjanier: Nie, matam vy nie łajalisia. Vy schavali trup.

Apazicyjanier Jak schavaŭ?

Milicyjanier: Nu, u vas jość trup doma?

Apazicyjanier: Niama.

Milicyjanier: Značyć schavali. Moža jon u Vas u kišieni..

Apazicyjanier: Jaki trup? Ja patrabuju advakata.Dapamažycie, ludzi dobryja. Tavaryš major, a moža jaje u stary dobry čas. Hladzicie ja łajusia: pajšli Vy na eeeeee... jak ža dakładna hety vyraz? Zdajecca: pajšli Vy na mać!

Milicyjanier: Ja ciabie tut pamachaju rukami. Urež jamu, siaržant. Voś tak. ....j!....ť!....iec! Skazana: chavaješ trup.

20.03.2008. Napiaredadni Dnia voli.

Apazicyjanier: ( razmaŭlaje pa mabile): Słuchajcie sp. Trusaŭ, vaša kancepcyja vymaŭleńnia frykatyŭnaha apostrafa u vyhavary paleščukoŭ heta poŭny nonsiens. Jak kazaŭ ŭ Biernard Šoŭ u liście da Chieminhujeja...oj, prabač ja potym ciabie pieratelefanuju. Treba biehčy. Hłucharia žadajuć paviesić, vaŭki pazornyja.

Milicyjanier: Stajać, admarozak. Kažy dzie trup? ...Ty kuda? ....j!....ť!....iec! ( razmaŭlaje pa racyi) Barsuk-barsuk , ja kaała. Klijent uchodzić pa Varvašieni ŭ bok Bahdanoviča. Pačynajem apieracyju “pierachvat”.

20.04.2008 h. Napiaredadni Čarnobylskaha maršu

Apazicyjanier: ( razmaŭlaje pa mabile): Słuchajcie sp. Trusaŭ, vaša kancepcyja vymaŭleńnia “b” u vyhavary paleščukoŭ heta poŭny nonsiens. Jak kazaŭ Sartr Mišielu Fuko..oj, prabač ja potym ciabie pieratelefanuju. Dobry dzień, tavaryš inśpiektar, i što: znoŭ ja schavaŭ trup?

Milicyjanier: Tak. ....j!....ť!....iec!

Apazicyjanier: Nu što rabić? Pajechali ŭ sud. Vy ž bačycie ja i z saboju navat vypadkova bauł zachapiŭ. Cha-cha-cha. Darečy ŭ vas vielmi cikavy frykatyŭny “b”. Vy nie z Paleśsia? Heta ž supiermateryjał. Jak raz za čas adsidki pradumaju tezisy artykuła suprać hetaha nievuka Trusava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?