Ułady ŭžyvajuć napiaredadni Eŭrapiejskaha Maršu svaju zvykłuju taktyku: jany chapajuć dziejačoŭ apazycyi i źvinavačvajuć ich u niecenzurnaj łajancy. Takim čynam jany spadziajucca zapałochać patencyjnych udzielnikaŭ manifestacyi. Ułady zvyčajna ŭnikali zatrymańniaŭ u dni demanstracyj, na vačach u ŚMI i zamiežnych dyplamataŭ. Cichija zatrymańni na peryferyi pavodle abraźlivych abvinavačvańniaŭ vyklikajuć hidlivuju reakcyju hramadztva.
 Anžalika Borys |
Haradzienskaja milicyja zatrymała žurnalista časopisu «Magazyn polski na emigracji» Ihara Bancara. Dziejač polskaj nacyjanalnaj mienšaści ŭ Biełarusi dastaŭleny ŭ adździeł milicyi.
Jak paviedamiła «Polskamu radyjo» staršynia Sajuzu palakaŭ Biełarusi Anžalika Borys, Ihar Bancar byŭ zatrymany na tralejbusnym prypynku ŭ Horadni. Milicyja paćvierdziła fakt zatrymańnia, spasłaŭšysia na toje, što Bancar padazrajecca ŭ drobnym chulihanstvie.
Hadzinu paźniej, redaktar časopisu «Magazyn polski na emigracji» Andžej Pačobut paviedamiŭ, što padčas sproby naviedać Ihara Bancara była zatrymanaja j Anžalika Borys.
Kala 12‑j nočy 10 kastryčnika Hieneralny konsuł Polščy ŭ Horadni Andžej Krentoŭski pakinuŭ Leninski RAUS, kudy jon prychodziŭ, pakolki była zatrymanaja Anžalika Borys — staršynia Sajuzu palakaŭ, jaki nie pryznajecca ŭładami.
Jak paviedamiŭ našamu Radyjo jaje namieśnik Miečysłaŭ Jaskievič, spadarynia Borys zapatrabavała advakata, joj prapanavali tolki dziaržaŭnaha, a ŭrešcie rešt pasadzili na noč u milicejski izalatar. Abvinavačańnie zvyčajnaje: jana, pavodle milicyjantaŭ, «brydkasłoviła».
U admysłovaj zajavie Ministerstva zamiežnych spraŭ Polščy vykazała «zaniepakojenaść i pratest suprać niezakonnaha zatrymańnia» Ihara Bancara i Anžaliki Borys.
«Zachady biełarusich uładaŭ nia śviedčać ab žadańni padtrymlivać dobrasusiedzkija dačynieńni z Polščaj», — havorycca ŭ zajavie polskaha MZS.
Uviečary 10 kastryčnika ŭ Mazyry zatrymali kaardynatara arhkamiteta pa stvareńni partyi «Biełaruskaja chryścijanskaja demakratyja» Paŭła Nazdru.
Jak paviedamiŭ Racyi sakratar arhkamiteta BCHD Dzianis Sadoŭski, Pavieł Nazdra paśpieŭ skazać jamu pa telefonie, što jaho zatrymali nieviadomyja, jakija pradstavilisia supracoŭnikami milicyi, ale pry hetym nie pakazali nijakich paśviedčańniaŭ. Sadoŭski miarkuje, što Nazdru pavieźli ŭ Mazyrski RUUS. Zaraz miescaznachodžańnie aktyvista BCHD vyśviatlajecca.
Kali 21 hadziny ŭ Horadni zatrymali Mikołu Lemianoŭskaha — udzielnika Rady haradzkoj arhanizacyi partyi BNF. Jaho dastavili ŭ Leninski RAUS.
Mikoła Lemianoŭski paviedamiŭ našamu Radyjo, što na čyhunačnym vakzale da jahonaj mašyny padyjšli dva milicyjanty: praparščyk Samoničaŭ i staršyna Navicki, jany skazali, što na jaho pastupiła skarha. Razam ź milicyjantami jon musiŭ jechać u pastarunak svajoj mašynaj, tam na jaho pačali składać pratakoł z farmuloŭkaj «za niecenzurnuju łajanku».
A voś Vadzima Sarančukova ad milicyjantaŭ adbiła žonka. Kiraŭnik haradzkoj arhanizacyi Partyi BNF zaŭvažyŭ kala padjezdu milicejskuju mašynu. Ź jaho słovaŭ, milicyjanty za im ŭbiehli navat u kvateru, ale žonka dapamahła jamu adbicca, i ciapier jon na svabodzie.
Siońnia ranicaj Aleś Dzierhačoŭ paviedamiŭ praz telefon, što milicejskaja mašyna stajała pobač ź jahonym domam usiu noč. Čas ad času milicyjanty chadzili ź lichtarykami pad voknami.
A 8‑aj ranicy pryjechała inšaja mašyna. Zaraz milicyjanty praciahvajuć dziažuryć pobač ź jahonym domam
Aleś Dzierhačoŭ majecca siońnia iznoŭ źviartacca sa skarhaj da prakurora.
Milicyjanty abvinavačvajuć jaho ŭ tym, što ŭčora ranicaj jon vyhulvaŭ svajho sabaku i nibyta niekaha pakryŭdziŭ.
Ad abiedu ŭčorašniaha dnia Aleś Dzierhačoŭ zamknuŭsia ŭ svajoj chacie i nie adčyniaje milicyjantam dźviery. Jon pierakanany, što jaho chočuć izalavać, kab jon nie pajechaŭ u Miensk na Eŭrapiejski marš, jaki pavinien adbycca ŭ niadzielu 14 kastryčnika.
Uviečary 10 kastryčnika ŭ Mazyry zatrymali kaardynatara arhkamiteta pa stvareńni partyi «Biełaruskaja chryścijanskaja demakratyja» Paŭła Nazdru.
Jak paviedamiŭ Racyi sakratar arhkamiteta BCHD Dzianis Sadoŭski, Pavieł Nazdra paśpieŭ skazać jamu pa telefonie, što jaho zatrymali nieviadomyja, jakija pradstavilisia supracoŭnikami milicyi, ale pry hetym nie pakazali nijakich paśviedčańniaŭ. Sadoŭski miarkuje, što Nazdru pavieźli ŭ Mazyrski RAUS. Zaraz miescaznachodžańnie aktyvista BCHD vyśviatlajecca.
Uviečary 10 kastryčnika supracoŭniki miłycyi zatrymali prychilnika Ruchu «Za Svabodu» Jurku Bakura i Inhu Abramavu nibyta za naklejvańnie nalepak z zaprašeńniem uziać udzieł u niadzielu 14 kastryčnika ŭ dazvolenym uładami ŭ Minsku Jeŭrapiejskim maršy.
Noč maładyja ludzi praviali ŭ izalatary časovaha ŭtrymańnia pry Leninskim rajonnym adździele ŭnutranych spraŭ.
Alaksandar Milinkievič asudžaje ničym nie abhruntavanyja zatrymańni i palityčna matyvavanyja prysudy demakratyčnym aktyvistam u Minsku, Homieli, Hrodnie, Viciebsku i inšych haradach Biełarusi.
«Siłavy błok režymu ŭsio bolš radykalizujecca. Novaja chvala represijaŭ napiaredadni Jeŭrapiejskaha maršu pakazvaje, što ŭłady nie chočuć iści na raŭnapraŭny i ŭzajemapavažlivy dyjałoh z demakratyčnym hramadstvam.
Pačatak jeŭrapiejskaha dyjałohu ź biełaruskim režymam mahčymy tolki pry ŭmovie vyzvaleńnia palitviaźniaŭ i spynieńnia represijaŭ. Dyjałoh z takim režymam pavinien zaŭsiody hruntavacca na vysokich maralnych pryncypach».
