Kiraŭnik dziaržavy adznačyŭ, što rašeńnie ab budaŭnictvie biełaruskaj atamnaj elektrastancyi pradyktavana nie palityčnymi ambicyjami, a nieabchodnaściu zabiaśpiečyć enierhietyčnuju biaśpieku krainy va ŭmovach vyčarpańnia suśvietnych zapasaŭ hazu i nafty, pierabojaŭ z pastaŭkami i ŭsio bolšych cen na enierharesursy.
Alaksandr Łukašenka sa škadavańniem kanstatavaŭ, što siońnia enierhietyka z čysta ekanamičnaha pytańnia pieratvaryłasia ŭ palityčnaje — «u faktar, jaki vyznačaje asnovy ŭzajemaadnosin pamiž dziaržavami i cełymi dziaržaŭnymi abjadnańniami».
«Krainy Zachadu ŭžo abmiarkoŭvajuć nieabchodnaść uviadzieńnia dadatkovaha režymu kantrolu za ździełkami z enierhietyčnymi abjektami z metaj atrymańnia mahčymaści błakiravać ich, kali jany pahražajuć enierhietyčnaj biaśpiecy. Biassprečnaj źjaŭlajecca tendencyja ŭzmacnieńnia ŭžo ŭ ahladnym budučym enierhietyčnych supiarečnaściej u hłabalnym maštabie. Čałaviectva sutykniecca z novymi vyklikami i pahrozami», — skazaŭ prezident.
Hetyja abstaviny, padkreśliŭ jon, z usioj vidavočnaściu paćviardžajuć pravilnaść rašeńnia ab nieadkładnaj raspracoŭcy sistemy mier, nakiravanych na dasiahnieńnie enierhietyčnyj biaśpieki, u tym liku i ab uźviadzieńni ŭ Biełarusi ŭłasnaj atamnaj elektrastancyi.
