 |
Biełarusy skarystalisia rostam cen u Rasii i viazuć małočnuju pradukcyju ŭ Smalensk.
Navat z ulikam darohi ad Oršy da Smalenska biełaruskija «małočnyja» čaŭnaki zastajucca nie ŭ nakładzie. Tym bolš, pakul biełaruskaja transpartnaja milicyja nie čepicca da vialikich torbaŭ u elektryčkach, jak heta było ŭ pačatku‑siaredzinie 90‑ch hadoŭ.
Ale biełaruski Minsielhascharč užo paviedamiŭ, što inicyjuje pavyšeńnie zakupačnych cen na małako i roźničnych cen na małočnuju pradukcyju. Ale abiacaje, što rezkaha skačka nie budzie. Biełarusy aścierahajucca taho, što kali ceny zastanucca na adnym uzroŭni, to vierniecca situacyja 1997 hoda, kali małočnyja pradukty vyvozilisia ŭ Rasiju dziasiatkami ton i pradavalisia na rasijskich rynkach.
Tym časam smalenskija čynoŭniki zacikavilisia zakupačnymi cenami na małako ŭ svaim rehijonie. Dniami ŭ abłasnoj administracyi źbiaruć usich smalenskich pierapracoŭščykaŭ i rekamiendujuć im (zahadać nie mohuć, bo heta supraćzakonna) płacić sialanam bolš. Pavodle niekatorych danych, havorka idzie pra 10‑15‑pracentnaje pavyšeńnie zakupačnaj cany, paviedamlaje rasijskaja hazieta «Komsomolskaja pravda».
