Biełaruś pakul što nie płanuje ŭdzieł u prahramach pa asvajeńniu Miesiaca i Marsa.
Ab hetym paviedamiŭ akademik‑sakratar adździaleńnia fiziki, matematyki, infarmatyki NAN Biełarusi, hienieralny dyrektar Abjadnanaha instytuta prablem infarmatyki NAN Siarhiej Abłamiejka na pres‑kanfierencyi.
Pavodle jaho słoŭ, heta pytańnie pakul što nie razhladajecca. Biełaruś taksama nie płanuje zapuskać u kosmas kasmanaŭta. «Na siońniašni dzień usie namahanni vučonych, zadziejničanych u śfiery asvajeńnia kosmasu, nakiravany na stvareńnie novaha biełaruskaha štučnaha spadarožnika Ziamli», — skazaŭ jon. Jaho košt składzie amal $15 młn.
Druhi biełaruski štučny spadarožnik Ziamli budzie zapuščany ŭ kosmas praz dva z pałovaj hoda. Novy spadarožnik budzie bolš daskanały ŭ paraŭnanni z «BiełKA», a taksama mienšy pa vazie. Nazva novaha aparata jašče nie vybrana.
Siarhiej Abłamiejka taksama adznačyŭ, što biełaruskija vučonyja prapracoŭvajuć mahčymasci stvareńnia biełaruskaha spadarožnika z aptyčnym teleskopam z raspaznavańniem 1 m.
