Jak tolki biełaruski ministar enerhietyki Alaksandar Aziarec raspavioŭ pra plany pastavak z Ukrainy ŭ budučym hodzie 2 młrd kVt/h elektraenerhii pa canie zvyš $0,05 za kVt/h, ukrainskija kalehi tut ža zapeŭnili, što znojduć dla hetaha volnyja abjomy elektraenerhii, adznačaje ukrainski «Kommiersant».
Nahadajem, što apošnija paŭhodu Ŭkraina nie pastaŭlaje ŭ Biełaruś elektraenerhiju, spasyłajučysia na adsutnaść volnych jaje abjomaŭ, vyklikanuju rostam spažyvańnia elektraenerhii ŭnutry krainy. Jość i inšaje mierkavańnie: Biełaruś nabyvała ŭkrainskuju elektraenerhiju pa košcie $0,0244‑0,0245 za kVt/h, u toj čas, jak eŭrapiejskija spažyŭcy hatovyja byli prapanavać jakasna inšuju canu — 0,07‑0,08 eŭra za kVt/h.
Prezydent «Ukrinterenerha» Mikałaj Paškievič paviedamiŭ, što dadatkovyja abjomy znajści možna za košt zahruzki ciepłavych elektrastancyjaŭ, ale ŭsio budzie zaležyć ad zakupačnaha koštu, jaki prapanuje Biełaruś.
Pavodle planaŭ biełaruskaha Minenerha ŭ 2008 h. Biełaruś nabudzie taksama 5 młrd kVt/h elektraenerhii pa canie zvyš $0,04 za kVt/h u Rasiei.