Uładzimir Karyzna, paet, saaŭtar Dziaržaŭnaha Himna Respubliki Biełaruś:
Imia Mikałaja Ivanaviča Čarhinca nadzvyčaj papularnaje. Jaho słova spakojnaje, cichaje, udumlivaje, poŭnaje daminantnaj mudrasci; jano daje nadzieju, doryć piaščotnaje śviatło radasci, chryscić upeŭnienaściu. Žyćcio ščaslivaha čałavieka składajecca z učynkaŭ. Učynki — heta kroki, bieź jakich niama sapraŭdnaj lubovi da rodnaj ziamli, da Baćkaŭščyny. Kroki — heta podzvihi…
Mikałaj Ivanavič vielmi viadomy piśmiennik. «Čytabielny», svojeasablivy. Jon aŭtar detektyŭnych tvoraŭ, poŭnych ašałamlalnych kalizij i strasci. Ja pomniu jaho apoviesci «Tryvožnaja słužba», «Finał Kraba», «Zahad № 1», ramany «Vam — zadańnie», «Tajna Čornych Hor», «Syny»… Jość i novyja tvory hetaha salidnaha, važkaha žanru.
Niadaŭna — ja skazaŭ by pieramožna — prajšoŭ pa telebačanni sieryjał pa tvorach Mikałaja Čarhinca. Ź nieciarpieńniem čakajecca praciah sieryjała, jaki zastaŭsia nie tolki ŭ sercach, ale i ŭ śviadomasci šmatlikich telehledačoŭ.
Jość u Mikałaja Ivanaviča nadzvyčaj prykmietny, asablivy dar Božy. Jon kranuŭsia nas navat nie tady, kali my začytvalisia jaho tvorami, a kali hetych tvoraŭ jašče nie było, jany tolki vyśpiavali. Kali majstar sportu Mikałaj Čarhiniec byŭ viadomym futbalistam, členam minskaj futbolnaj kamandy majstroŭ «Spartak», kali pracavaŭ u kryminalnym vyšuku, u tym liku načalnikam upraŭleńnia kryminalnaha vyšuku Ministerstva ŭnutranych spraŭ BSSR, udzielničaŭ u bajavych apieracyjach u Afhanistanie, byŭ paranieny… Voś jany, kroki hieraizmu. Kroki mužnasci. Kroki žyćcia. Sučasnyja kroki… Usio heta dajecca nie mnohim, a tolki vybranym, viernym synam Ajčyny.
Mikałaju Čarhincu — 70. Ščyra abdymaju vas, Mikałaj Ivanavič, i žadaju, kab radar vašaha serca jašče doŭha ŭłoŭlivaŭ strasci‑mardasci vieku; kab chapała siły i ŭ chacie, i ŭ sienacie! Kab Sajuz piśmiennikaŭ Biełarusi, jaki vy stvaryli i jaki ŭpeŭniena ŭznačalvajecie, i nadalej byŭ dobrym siabram našaha naroda!
Hienadź Paškoŭ, dyrektar vydaviectva «Biełaruskaja Encykłapiedyja», piśmiennik:
Tradycyjna skłałasia tak, što Sajuz piśmiennikaŭ Biełarusi zdaŭna ŭznačalvali viadomyja ludzi, vydatnyja piśmienniki. I, jak praviła, ich piśmiennicki talent spałučaŭsia ź vialikaj hramadskaj nahruzkaj. Pryhadajma Pietrusia Broŭku, Maksima Tanka, Ivana Šamiakina… Heta ludzi, jakija ŭsłavili Biełaruś nie tolki svajoj tvorčaściu, ale i vializnaj hramadskaj pracaj na karyść Baćkaŭščyny.
Ciapierašni kiraŭnik Sajuza piśmiennikaŭ Biełarusi Mikałaj Ivanavič Čarhiniec, jak i jaho papiaredniki—kiraŭniki Sajuza, maje vialiki žyćciovy vopyt, na jaki abapirajecca ŭsia jaho tvorčaść.
