U adpaviednaści z hetym narmatyŭnym pravavym aktam u kastryčniku — śniežni 2007 hoda i studzieni 2008 hoda na terminovuju vajennuju słužbu buduć pryzvany hramadzianie Respubliki Biełaruś mužčynskaha połu, jakim da dnia pryzyvu spoŭniłasia 18 hadoŭ i jakija nie majuć prava na adterminoŭku ad pryzyvu, a taksama hramadzianie pryzyŭnoha ŭzrostu, jakija stracili prava na adterminoŭku.
Prezident daručyŭ uradu, abłasnym, Minskamu haradskomu vykanaŭčamu kamitetam zabiaśpiečyć vykanańnie mierapryjemstvaŭ, źviazanych z pryzyvam hramadzian na terminovuju vajennuju słužbu.
Nakiravać pryzvanych na terminovuju vajennuju słužbu hramadzian va Uzbrojenyja siły, inšyja vojski i voinskija farmiravańni krainy Ministerstva abarony pavinna da 1 lutaha 2008 hoda.
Ukazam ustanoŭlena, što paciarpiełyja ad nastupstvaŭ katastrofy na Čarnobylskaj AES hramadzianie, pryzvanyja na terminovuju vajennuju słužbu, nakiroŭvajucca ŭ voinskija čaści i farmiravańni, jakija nie znachodziacca na radyjeaktyŭna zabrudžanych terytoryjach, i pryznačajucca na vajennyja pasady, nie źviazanyja z rabotami pa ekspłuatacyi krynic ianizujučaha vypramieńvańnia, zvyšvysokich častot i rabotami z kampanientami rakietnaha paliva.
Infarmacyju ab vynikach pryzyvu hramadzian na terminovuju vajennuju słužbu ŭrad abaviazany pradastavić prezidentu da 20 sakavika 2008 hoda.