U pieršy dzień «Klip‑marafonu» buduć demanstravacca jak novyja, tak i rarytetnyja videa. Na druhi dzień adbudziecca niepasredna konkursnaja častka. Lepšyja klipy buduć abranyja šlacham hladackaha hałasavańnia. A pieramožcy atrymajuć pamiatnyja statuetki i dyplomy.

Hledačy taksama nie zastanucca biez padarunka — pa vynikach konkursu buduć vydadzienyja DVD ź lepšymi klipami.

Zajaŭlena, što ŭ «Klip‑marafonie» voźmuć udzieł viadomyja biełaruskija hurty: «N.R.M.», «Krambambula», «Stary Olsa», «Zet», «Niejro Diubiel», «Krok», «:B:N:», «PLAN», «IQ48», «Pałac», «Źnič», «Bonda» i inšyja.

Usiaho budzie prademanstravana bolej 30 muzyčnych videa 1991‑2007 hadoŭ. Festyval ładzicca niezarehistravanaj «Moładździu BNF» u miežach kampanii ŭ abaronu biełaruskich muzykaŭ. Planujecca pravodzić takoje mierapryjemstva štohod.

I chacia peŭnaja častka novych, źniatych sioleta klipaŭ na feście pradstaŭlena nia budzie, samo mierapryjemstva moža stać cudoŭnaj nahodaj jašče raz uzhadać staryja‑dobryja videa lubimych muzykaŭ, jakija, na žal, nie pabačyš na muzyčnych kanałach.

Tak, vakalist «IQ48» Saša Rakaviec ničoha nia čuŭ pra praviadzieńnie marafonu, tamu hledačy, vierahodna, ubačać tolki adzin klip hurtu na pieśniu «Tapoli». Chacia «zdarovyja łosi» ŭžo paśpieli źniać jašče dva videa i bolš taho, atrymać na ich pravy. A heta značyć, što paśla aficyjnaha zapusku kanała BiełSat, novyja klipy «IQ48» možna budzie ŭbačyć i na inšych kanałach.

Raspačniecca fest 18 kastryčnika a 17 hadzinie na ŭpravie partyi BNF (b.Varvašeni=Mašerava, 8)

SlaDa, generation.by

Клас
0
Панылы сорам
0
Ха-ха
0
Ого
0
Сумна
0
Абуральна
0