Paru hadoŭ tamu my z bratcam, nasłuchaŭšysia čarhovaha vitka svarak pamiž maci i babulaj pra palityku, prydumali žart «Ratuj Biełaruś, schavaj babulin pašpart». Dakładniej, ja prydumała, a brat adrazu panios kudyści ŭ internet. Viarnuŭsia ź internetu z navinoj, što va ŭkraincaŭ padčas vybaraŭ kazali tak sama. I voś ciapier akazvajecca, što ideja niejak nu vielmi husta visić u pavietry. Sms‑akcyja «Schowaj babci dowód» — hałoŭnaja moładzievaja miema ŭ Polščy napiaredadni vybaraŭ. Za partyju PiS — kali vieryć maim polskim tavaryščam, heta niejkija pravyja, palityčny apakalipsys,‑ hałasujuć u asnoŭnym pensyjanery. Pačali ŭsio, jasny pień, błohiery.
Adbyvajecca niejki, nakolki heta ŭvohule mahčyma ŭ mała internetzaležnych palakaŭ, «prievied‑miedvied»: usia kraina atrymlivaje adnu i tuju ž smsku:
Chutka vybary. Treba ŭratavać hetuju krainu. Tamu pačałasia akcyja «Schavaj babulin pašpart». Pieradaj dalej, heta nie «łancužok», heta ratavańnie Dziaržavy», ‑
Pačynajucca varyjacyi žartu — maŭlaŭ, niekatoryja studenty ŭračysta abiacajuć asabista zavieści svaich babulaŭ na vybarčyja ŭčastki (hy‑hy, usio adno pašpart schavany). Bačyła ŭ časopisie «Wprost» karykaturu, dyjaloh pamiž dźviuma babkami:
— Ty čuła pra akcyju «Schavaj babulin pašpart»?
— Čuła. Ja svoj trymaju ŭ nadziejnym miescy.
— U jakim?
— Nia pomniu.
A ŭvohule postkamunistyčnyja krainy zaraz padobnyja da habrejaŭ, jakich Majsiej viadzie pa pustyni, hodzie tak na 25‑tym. Maładyja, što naradzilisia pa darozie, padraśli, jany chočuć novaha, narešcie nie iści a sieści na miescy i narmalna pažyć, ale Boh na vuška skazaŭ Majsieju, što pakul astatni jehipiecki rab nie pamre, u Chanaan ni nahoj, maładyja prasiakli hetuju fišku, i tamu u dumkach žadajuć babulam i dziadulam, a zaadno i baćkam, kab ža jany byli zdarovyja…