 Alaksandar Milinkievič |
Siońnia lider demakratyčnych sił Biełarusi Alaksandr Milinkievič voźmie ŭdzieł u Samicie Jeŭrapiejskaj narodnaj partyi, pradstaŭlenaj kiraŭnikami dziaržavaŭ i ŭradaŭ ES . Samit projdzie 18‑19 kastryčnika ŭ Lisabonie (Partuhalija) pad staršynstvam kiraŭnika JENP Viłfreda Martnesa.
Kiraŭniki dziaržavaŭ i ŭradaŭ Jeŭrapiejskaha Sajuzu, a taksama krain‑susiedak, sustrenucca ŭ Lisabonie, razam sa staršyniom Jeŭrapiejskaj Kamisii Manuelem Baroza i staršyniom Jeŭrapiejskaha parłamienta Hansam‑Hiertam Poterynham dla abmierkavańnia novaha traktatu, maje lažać u asnovie Jeŭrapiejskaha Sajuzu.
U Forumie prymuć udzieł kanclerka FRH Anhieła Mierkiel, premjer‑ministr Niderłandaŭ Jan‑Pieter Bałkieniende, premjer‑ministr Hrecyi Kostas Karamanlis, kiraŭnik urada Łatvii Ajhars Kałvicis i inšyja.
Ad krain, što nie ŭ Sajuzie, na Samit pryjeduć prezident Ukrainy Viktar Juščanka, prezident Hruzii Michaił Saakašvili, premjer‑ministr Charvatyi Iva Sanader, premjer‑ministr Ałbanii Sali Bieryša.
U śpisie zaprošanych paznačany taksama ŭkrainski palityk Julija Cimašenka, prezident PARIE Renie van der Linden.
