Viktar Zubkoŭ |
Pavodle infarmacyi biełaruskaha MZS, płanujecca, što samalot z kiraŭnikom rasijskaha ŭradu prybudzie ŭ Nacyjanalny aeraport «Minsk» u 11.00. Na 12.45 zapłanavana sustreča V.Zubkova z premjer‑ministram Biełarusi Siarhiejem Sidorskim u vuzkim farmacie, zatym adbudziecca pasiadžeńnie Saŭmina Sajuznaj dziaržavy ŭ pašyranym składzie. Viečaram 19 kastryčnika V.Zubkoŭ płanuje viarnucca ŭ Maskvu.
Na pasiadžeńni sajuznaha ŭradu budzie razhledžany prajekt biudžetu Sajuznaj dziaržavy na 2008 hod, zasłuchany spravazdačy ab vykanańni biudžetu ŭ pieršym paŭhodździ 2007 hoda, ab vynikach handlova‑ekanamičnaha supracoŭnictva pamiž krainami za hety pieryjad. Pryznačana razhledzieć sajuznyja prahramy ŭ halinie baraćby sa złačynnaściu, utrymańnia abjektaŭ vajennaj infrastruktury, vytvorčaści i ŭzajemnych pastavak lekavych srodkaŭ, realizacyi navukova‑techničnaj prahramy «Kosmas‑NT» i šerah inšych pytańniaŭ. Na pasiadžeńni taksama płanujecca abmierkavać chod vykanańnia prahramy ŭzhodnienych dziejańniaŭ u halinie źniešniaj palityki Biełarusi i Rasii na 2006—2007 hady.
Heta pieršy vizit u Biełaruś V.Zubkova na pasadzie staršyni ŭradu Rasii. Nahadajem, na pasadu premjer‑ministra jon byŭ pryznačany 12 vieraśnia ŭkazam prezidenta Pucina.