 Jarasłaŭ Kačyński |
Kiraŭnik polskaha ŭradu miarkuje, što Rasieja nia choča hublać Polščy z‑pad svajho ŭpłyvu i paśla 1989 h., kali ŭ krainie adbyłosia padzieńnie kamunistyčnaha režymu.
Jarasłaŭ Kačyński padkreśliŭ, što amerykanskija rakiety adpaviadajuć intaresam polskaje biaśpieki.
«Heta ŭmacuje našu biaśpieku. My pavinny pamiatać, što pastajanna znachodzimsia pad pahrozaj. Rasiejcy nie pahadzilisia z padziejami 1989 h.Vidavočna, što jany miarkujuć, što my znachodzimsia ŭ sfery ich upłyvu», — dadaŭ kiraŭnik polskaha ŭradu, «adkazvajučy na pres‑kanferencyi na pytańnie, navošta Polšča choča raźmiaścić na svajoj terytoryi amerykanskija rakiety‑pierachvatčyki».
Prezydent Rasiei Ŭładzimier Pucin na svajoj pres‑kanferencyi zajaviŭ, što Rasieja zrobić adekvatnyja zachady ŭ vypadku raźmiaščeńnia elementaŭ PRA ŭ Eŭropie, ale jak - «vyrašać specyjalisty».
Na terytoryi Polščy planujecca raźmiaścić 10 rakiet, a radary — u Čechii. Pieršaja rakieta zastupić na bajavoje dziažurstva ŭ Polščy da 2011 h.
