Ciažka sabie ŭjavić, kab jašče ŭ niejkaj eŭrapiejskaj krainie, akramia Rasiei, u centry stalicy moh by adbycca zabaronieny marš za dałučeńnie da ES, pry padrychtoŭcy da jakoha aryštavana 40 čałaviek.
Reakcyja ŭładaŭ na «Eŭramarš» była podleńkaj — z aryštami Borys i dziasiatkaŭ studentaŭ pa abvinavačvańni ŭ łajancy. Ciažka skazać, ci była inśpiracyja pravakataraŭ za dziejańniami niekatorych maładych ludziej na Maršy.
Ułady ŭpieršyniu za doŭhi čas vyjavili žadańnie, ja tut karystajusia trapnym aznačeńniem Vitala Tarasa,— budavać «dyscyplinavanuju demakratyju». Heta pradpryjemstva abaviazvaje — demakratyja ŭsio‑taki.
Vuličnyja akcyi zastajucca najbolšym kašmaram uładaŭ, ich jany starajucca sarvać lubym koštam.
Usiudy, dzie byli masavyja manifestacyi, sprava skančałasia źmienaj režymu. Płošča była kašmaram Łukašenki, i ad taho na nastupnyja demanstracyi ŭłady reahavali tak nervova.
Advarotna, manifestacyi vyzvalajuć najbolšuju enerhiju niezaležnaha hramadztva. Pra ich ludzi najbolš čytajuć u internet‑ŚMI. Ich vymušanyja aśviatlać — u tašnatvornym styli — ŚMI dziaržaŭnyja.
Manifestacyi razburajuć samu sutnaść ich systemy, u jakoj narod nie pavinien pramaŭlać, jon musić słuchać.
Što rabili inšyja narody Centralnaj Eŭropy ŭ paniavoleńni? Arhanizoŭvali publičnyja akcyi pratestu.
Vuličnyja akcyi roźniać Biełaruś — jakaja maje nadzieju na demakratyju — ad bieznadziejnych Rasiei, Kazachstanu, Uzbekistanu.
14 kastryčnika najbolš uražvała zahartavanaść moładzi. Jany viedali, na što išli.
