 |
Na niezvyčajnuju znachodku natrapiŭ u Niaśvižskim rajonie kala pasiołka Alba hrybnik. U lesie lažaŭ mietaličny pradmiet cylindryčnaj formy pamieram 20 na 8 santymietraŭ sa znakam radyjacyjnaj niebiaśpieki i nadpisam «Radyjacyja».
Mužčyna paviedamiŭ pra znachodku ŭ milicyju. Ź Niaśvižu pryjechali milicyjanty i supracoŭniki Ministerstva pa nadzvyčajnych situacyjach, hety ŭčastak lesu byŭ uziaty pad achovu. Pakul išło rasśledavańnie, cylindr pralažaŭ u niaśvižskim lesie jašče dva dni.
Narešcie prybyła śpiecyjalizavanaja hrupa, jakaja i vyviezła jaho ŭ miesca pachavańnia.
Ciapier pravaachoŭnyja orhany sprabujuć vyśvietlić, adkul źjaviŭsia radyjacyjny cylindr. Pavodle papiaredniaj viersii, upaści jon moh tolki z samalota.
0
0
0
0
0
0
