Źmieny tyčacca zimovych aponaŭ, dziciačych kresłaŭ, ramontnych prac, znakaŭ i raźmietki. Jany paskarajuć pieranos pieradavoha eŭrapiejskaha dośviedu ŭ Biełaruś.
U Biełarusi ŭ Praviły darožnaha ruchu ŭviedzieny normy, jakija rekamiendujuć pry najaŭnaści śniežnaha pokryva ažyćciaŭlać ruch na transpartnych srodkach, abstalavanych zimovymi šynami. Akramia taho, dabaŭleny rekamiendacyi ažyćciaŭlać pieravozku niepaŭnaletnich va ŭzroście da dvanaccaci hadoŭ na zadnim siadzieńni lehkavoha aŭtamabila z vykarystańniem śpiecyjalnych dziciačych trymajučych ustrojstvaŭ (siadzieńniaŭ). Adpaviedny Ukaz numar 526 «Ab uniasieńni dapaŭnieńniaŭ i źmianieńniaŭ va Ukaz Prezidenta Respubliki Biełaruś ad 28 listapada 2005 h. numar 551» 18 kastryčnika padpisaŭ kiraŭnik dziaržavy Alaksandr Łukašenka.
Jak rastłumačyli BIEŁTA u pres‑słužbie biełaruskaha lidera, ukaz pryniaty ŭ metach dalejšaha ŭdaskanaleńnia arhanizacyi darožnaha ruchu ŭ krainie. Dakumient praduhledžvaje karekciroŭku ŭkaza numar 551 ad 28 listapada 2005 hoda z ulikam praktyki prymianieńnia Pravił darožnaha ruchu.
Uviedzienyja normy ŭličvajuć pieradavy jeŭrapiejski vopyt pa harantavańniu biaśpieki darožnaha ruchu i budzie sadziejničać źnižeńniu na darohach respubliki kolkaści darožna‑transpartnych zdareńniaŭ.
Na hramadzian, jakija ažyćciaŭlajuć na darozie ramontnyja i inšyja raboty, uskładzieny abaviazki pravodzić ich u śpiecyjalnym adzieńni pavyšanaj bačnaści, arhanizavać abaznačeńnie miesca praviadzieńnia hetych rabot darožnymi znakami, aharadžalnymi i nakiroŭvajučymi ŭstrojstvami i paśla zaviaršeńnia rabot pryniać nieadkładnyja miery pa pryviadzieńniu darohi ŭ stan, jaki harantuje biaśpiečny darožny ruch.
Akramia taho, ukazam udakładnieny značeńni asobnych zabaranialnych, pradpisalnych, infarmacyjna‑ŭkazalnych darožnych znakaŭ i haryzantalnaj darožnaj raźmietki