Jašče na pačatku 2005 hodu Eŭrakamisija źviarnułasia da biełaruskich uładaŭ z prapanovaj ab adkryćci samastojnaha ofisu ŭ Miensku. Ale dahetul pytańnie visieła ŭ pavietry. Adkaz prahučaŭ praz tydzień paśla Eŭrapiejskaha Maršu i ŭ časie vizytu Andrea Ryhoni ŭ Biełaruś.
Kiraŭnik biełaruskaj dziaržavy uchvaliŭ prajekt pahadnieńnia dla pieramovaŭ pamiž Biełaruśsiu i Eŭrakamisijaj ab adkryćci ŭ Miensku pradstaŭnictva hetaj upłyvovaj mižnarodnaj arhanizacyi.
Namieśniku ministra zamiežnych spravaŭ Valeryju Varanieckamu daručana vieści dalejšyja pieramovy.
Amal piać hadoŭ tamu ŭ Kijevie adkryŭsia ofis Eŭrakamisii, jaki pieršapačatkova achoplivaŭ svajoj dziejnaściu Ukrainu, Małdovu i Biełaruś. Dva hady tamu ŭ Kišynevie pačaŭ pracavać samastojny ofis.
Jašče na pačatku 2005‑ha hodu Eŭrakamisija źviarnułasia da biełaruskich uładaŭ z prapanovaj ab adkryćci samastojnaha ofisu ŭ Miensku. Ale tolki sioleta ŭ krasaviku biełaruskija ŭłady dali syhnał Bruselu, što jany hatovyja abmiarkoŭvać hetaje pytańnie.