 Alena Makarevič |
Nahadajem, što siońnia zranku kiraŭnictva škoły aznajomiła vučanicu z zahadam dyrektara ab adličeńni. Padstavaj dla vyklučeńnia maładafrontaŭki staŭ jaje ŭdzieł u Jeŭrapiejskim maršy 14 kastryčnika.
A 14‑j hadzinie ŭ kabiniecie dyrektara škoły adbyłosia sumoŭje, na jakim prysutničali baćki Aleny, supracoŭniki Kamitetu dziaržaŭnaj biaśpieki i pradstaŭniki Ministerstva adukacyi. Adrazu paśla narady dyrektar škoły Vasil Hryb paviedamiŭ Racyi, što ciapier namieru vyklučać dziaŭčynu z navučalnaj ustanovy nie maje.
A voś što raspaviała Racyi sama Alena Makarevič:
«Ceły dzień zavuč ciahała mianie pa roznych kabinietach, paprasiła maju kłasnuju kiraŭnicu napisać na mianie charaktarystyku, jakuju sama ž potym i parvała. Ale, dziakuj Bohu, usio skončyłasia dobra».
Alena kaža, što paźbiehčy vyklučeńnia joj udałosia tolki dziakujučy hramadskamu rozhałasu spravy.
