Adradžeńnie sumiesnaha trejdara «Urałkalija» z «Biełaruśkalijem» budzie vyhadna abodvum kampanijam, ličyć hiendyrektar hrupy «Oneksim» Dźmitryj Razumaŭ.

Pavodle jaho słoŭ, «Urałkalij» i ciapier adčuvaje siabie kamfortna: vytvorčyja mahutnaści pracujuć z poŭnaj zahruzkaj i kampanija pradaje 100% pradukcyi, jakaja maje samy nizki sabiekošt u halinie.

Ale pahadnieńnie z «Biełaruśkalijem» mahło b prynieści stabilnaść i pradkazalnaść usiamu rynku, pieradaje jaho słovy ahienctva Reuters. «Jasna, što ŭmovy takoha sajuza pavinny być uzajemavyhadnymi, adpaviadać dziejučym zakonam i stroha vykonvacca abodvuma udzielnikami», — skazaŭ Razumaŭ.

Uźjadnańnie karteli pierš za ŭsio vyhadna dla Biełarusi: paśla lipieńskich padziej «Urałkalij» vioŭ davoli ahresiŭnuju prodažnuju palityku, zachavaŭšy damoŭlenaści i praciahnuŭšy pastaŭki pa ŭsich napramkach, u toj čas jak «Biełaruśkalij» u druhoj pałovie 2013 spyniaŭ vytvorčaść (na dvuch rudnikach), kaža Darja Śnitko z Hazprombanka. Adnaŭleńnie abjadnanaha trejdara moža dapamahčy «Biełaruśkaliju» pavialičyć vytvorčaść i prodažu, ličyć jana. Ceny na kalij, viadoma, nie adskočać da ŭzroŭniu da razvału BKK ($400 za tonu), ale na praciahu paŭhoda mohuć vyraści na $ 5-10 za tonu, a heta, viadoma, vyhadna abodvum bakam, dadaje analityk.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?