Jak adznačaje hazieta «Maskoŭski kamsamolec», spasyłajučysia na svaju krynicu, Janukoviča ŭ ciažkim stanie špitalizavany ŭ adnu ź miedycynskich ustanoŭ Maskvy. Pa dadzienych haziety, eks-prezidenta špitalizavali z padazreńniem na infarkt.
«Stan jaho zdaroŭja aceńvajecca jak «ciažki». Aficyjnaha paćvierdžańnia infarmacyi pakul niama», — paviedamlaje vydańnie.
Jak paviedamlałasia raniej, žurnalisty pačali šukać dokazy taho, ci žyvy jašče Viktar Janukovič, pakolki krynicy infarmahienctva UNIAN paviedamlajuć, što eks-prezidenta Ukrainy ŭžo niama ŭ žyvych.
Jak viadoma, u apošni raz Janukoviča žyvoha bačyli 28 lutaha 2014 hoda padčas jaho pres-kanfierencyi ŭ Rastovie-na-Donie ŭ vystavačnym centry «ViertołEkspo».
Paśla hetaha jaho adnapartyjcy i ludzi ź jaho atačeńnia va Ukrainie nie paćviardžali, što jon vychodziŭ na suviaź. A čutki pra śmierć Janukoviča ŭ apošni čas źjaŭlalisia nie mienš za 3 razy i aktyŭna raspaŭsiudžvalisia ŭ internecie.
