Rasijskim vajskoŭcam, jakija znachodziacca na vučeńniach u Kanadzie, siońnia paviedamili, što tyja majuć 24 hadziny, kab pakinuć krainu.
Dzieviać rasijskich vajskoŭcaŭ, jakija prymali ŭdzieł u vučeńniach u Kanadzie, vysyłajuć z krainy. Takim čynam Atava praciahvaje asudžać vajennaje ŭmiašańnie Rasii ŭ Krymie. Pra heta paviedamlaje CTV News.
U Kanadzie šeść sałdat z RF vyvučali anhlijskuju i francuzskaja mova ŭ Sen-Žanie, što ŭ Kviebieku. Jašče dvoje sałdat prymali ŭdzieł u navučalnaj prahramie na bazie CFB Gagetown. Taksama adzin vajskoviec navučaŭ kanadskich sałdat rasijskaj movie ŭ Hacino, što ŭ Kviebieku.
Krynica va ŭradzie paćvierdziła, što sałdaty byli prainfarmavanyja ŭ čaćvier dniom, što ŭ ich jość 24 hadziny, kab pakinuć Kanadu.
Jak raniej paviedamlałasia, u čaćvier premjer-ministr Kanady Styvien Charpier zajaviŭ, što Kanada nie pryznaje refierendumu, praviedzienaha ŭ Krymie — rehijonie Ukrainy, jaki ciapier znachodzicca pad niezakonnaj vajennaj akupacyjaj.
Akramia taho, u sieradu Kanada zamaroziła aktyvy 18 byłych členaŭ ŭkrainskaha dziaržaŭnaha kiraŭnictva, jakich padazrajuć u kradziažy dziaržaŭnych srodkaŭ Ukrainy.
