Sacyjalnaja sietka «VKontaktie» dadała ŭ nabor smajlikaŭ ŭkrainski ściah.
Pres-sakratar «VKontaktie» Hieorhij Łobuškin paviedamiŭ na svajoj staroncy, što dadzienaje rašeńnie było pryniata paśla zapytaŭ niekalkich tysiač karystalnikaŭ.
U standartny nabor ikonak byŭ dadadzieny ŭkrainski žoŭta-błakitny ściah. Smajlik mohuć bačyć ŭsie karystalniki nastolnaj viersii sajta, u bližejšy čas, paśla abnaŭleńnia mabilnaha klijenta, jon budzie vidać i na mabilnych hadžetach.
«U apošnija dni kamanda VKontaktie atrymlivaje tysiačy prośbaŭ ab dadańni ŭ nabor smajlikaŭ ŭkrainskaha ściaha. Ale my padtrymlivajem standartny nabor abrazkoŭ emoji, kudy hety ściah nie ŭvachodzić.
Adnak Ukraina vielmi važny dla nas rehijon. Možna skazać, taki ž važny, jak i Rasija. I siońnia Aleh Iłaryjonaŭ znajšoŭ vychad ź situacyi, jakaja skłałasia: my ŭviali padtrymku ŭkrainskaha ściaha na sajcie.
Ciapier usie karystalniki zmohuć jaho bačyć u desktopnaj viersii. U bližejšych abnaŭleńniach našych mabilnych klijentaŭ jon taksama źjavicca. A voś karektnaje adlustravańnie na iOS-pryładach stanie mahčymym tolki tady, kali Apple taksama padtrymaje svaich ukrainskich karystalnikaŭ. A pakul ŭładalniki hetych pryład buduć bačyć zamiest ściaha strełačku (The Shoshinsha mark http://en.wikipedia.org/wiki/Shoshinsha_mark), jakaja ŭ eppł-pryładach afarbavanaja ŭ kolery ŭkrainskaha ściaha!», — paviedamlaje Łobuškin.
Nieŭzabavie paśla źjaŭleńnia ŭ nabory smajlikaŭ ściaha Ukrainy, stali pastupać zajaŭki dadać ŭ nabor smajlikaŭ ściahoŭ Biełarusi i Kryma, paviedamlaje iLenta.
