Siońnia a pieršaj hadzinie nočy supracoŭniki Słužby biaśpieki Ukrainy ŭ Chiersonskaj vobłaści zatrymali raźviedhrupu Uzbrojenych sił Rasii, jakaja pranikła na terytoryju Chiersonskaj vobłaści z Kryma, paviedamlajuć ukrainskija ŚMI.
SBU paviedamlaje, što metaj raźviedhrupy było atrymańnie dadzienych ab pieradysłakacyi i stupieni hatoŭnaści zjenitna-rakietnaha dyvizijona ŭ horadzie Kachoŭka, zienitna-rakietnaj bryhady i padraździaleńnia aŭtamabilnaj bryhady.
Kiraŭnikom hrupy źjaŭlajecca hramadzianin Rasijskaj Fiederacyi, aficer vajennaj raźviedki 1981 h.n., uradženiec Razanskaj vobłaści.
Zatrymany niezakonna vykarystoŭvaŭ pašpart hramadzianina Ukrainy na imia Arbuzava Jaŭhiena Siarhiejeviča, 1986 h.n.
U svaim tłumačeńni paśla zatrymańnia jon pryznaŭ, što źbiraŭ infarmacyju raźviedvalnaha charaktaru: kaardynaty znachodžańnia błokpastoŭ pamiežnych vojskaŭ, raźmiaščeńnia častak padraździaleńniaŭ Uzbrojenych sił Ukrainy.
