Vyśviatleńnie stasunkaŭ kampanii «Budźma!» z kulturaj pačynajecca 18 sakavika z pretencyjozna «transcendentnaj» razmovy i prosta pravakacyi: navošta nam muziei?
Muziejaŭ u Biełarusi šmat: kala sotni krajaznaŭčych i bolš za tryccać miemaryjalnych, etnahrafičnych, litaraturnych, mastackich dy inš. Muziej siońnia – heta anachranizm ci kulturnicki asiarodak? Ci jość cikavaść u ludziej naviedvać muziei biez prymusu? Jakija darohi viaduć nas u muziej i čamu tak… niačasta? Što zrabić, kab i muziej, i naviednik pavieryli adno adnamu?
Pra heta i mnohaje inšaje zaprašajem parazvažać razam z prafiesijanałami ŭ halinie muziejnaj spravy, navukoŭcami, prajektnymi mieniedžarami. Budziem razam vučycca myślić šyroka i miždyscyplinarna, adnym słovam, prymać vyklik dnia siońniašniaha.
Ekśpierty:
- Ściapan Sturejka — historyk, krajaznaŭca, kulturnicki antrapołah, vykładčyk;
- Jasia Karalevič-Kartel – aŭtarka idei i redaktarka sajtu 90s.by;
- Dzijana Šantar – zahadčyk siektara vystavačnaha adździeła Nacyjanalnaha mastackaha muzieja Biełarusi;
- Aleś Zimienka — staršynia biełaruskaha adździaleńnia ICOM (International Council of Museums).
Maderavać dyskusiju budzie Hienadź Sivochin, admysłoviec u muziejnaj spravie ź vialikim stažam.
18 sakavika
Kreatyŭnaja prastora «CECH», prasp. Niezaležnaści, 58, k.6 (prachod praz vuł. P.Broŭki), dalni padjezd, 2 pavierch (schiema prajezdu).
Pačatak: 19:00.
Uvachod volny.
Čakajem usich cikaŭnych i nieabyjakavych!
