Prezident Polščy Branisłaŭ Kamaroŭski ličyć, što tolki idyjot moža nie bačyć pahrozy z-za apošnich padziej va Ukrainie, častku jakoj z dapamohaj vajskoŭcaŭ zachapiła Rasija.
«Tolki idyjot nie ličyć, što nie isnuje nijakaj pahrozy ŭ śviecie, u tym liku, kala Polščy. My nie źjaŭlajemsia idyjotami i ličym, što z adnaho boku nie varta ŭpadać u isteryku ( … ) ale ź inšaha boku bačym tendencyi (za ŭschodniaj miažoj), jakija nas turbujuć», - skazaŭ jon.
Kamaroŭski zajaviŭ, što Polšča moža siabie adčuvać biaśpiečnaj dziakujučy ŭvachodžańniu ŭ ES i NATA, a taksama madernizavanamu vojsku. Kiraŭnik polskaj dziaržavy adznačyŭ, što Polšča nie mieła takoha mocnaha pačućcia biaśpieki jak minimum za apošnija 300 hadoŭ.
Razam z tym jon skazaŭ, što ŭłada nie moža spakojna nazirać za tym, što adbyvajecca va Ukrainie i pavinna aktyŭna reahavać.
Kamaroŭski taksama pracytavaŭ łacinski vyraz: Si vis pacem, para bellum, jaki aznačaje, što «kali chočaš miru, to rychtujsia da vajny».
