Prezident Rasii Uładzimir Pucin zajaviŭ narodnamu deputatu Ukrainy, byłomu kiraŭniku Miedžlisa krymskich tataraŭ Mustafie Džemilevu, što Ukraina vyjšła z SSSR nie zusim zakonna.
Pra heta Džemileŭ skazaŭ ukrainskim žurnalistam pa vynikach telefonnaj razmovy z Pucinym u Maskvie. Razmova adbyłasia pry sadziejničańni eks-prezidenta Tatarstana Mincimiera Šajmijeva i praciahvałasia kala paŭhadziny.
«Ja skazaŭ Pucinu, što važnym źjaŭlajecca pytańnie terytaryjalnaj cełasnaści našaj krainy, bo jaje parušeńnie źjaŭlajecca parušeńniem toj damoŭlenaści, padpisanaj krainami-harantami — ZŠA, Vialikabrytanijaj i Rasijaj u 1994 hodzie ŭ abmien na našu admovu ad jadziernaj zbroi…», - skazaŭ Džemileŭ.
«Na hetuju temu — terytaryjalnaj cełasnaści Ukrainy — Pucin zakranuŭ takoje pytańnie, što samaabviaščeńnie niezaležnaj Ukrainy nie zusim adpaviadała savieckim normam, jakija praduhledžvali praceduru vychadu sa składu SSSR. Voś takaja pazicyja», — padkreśliŭ Džemileŭ.