Staršynia Abjadnanaj hramadzianskaj partyi Anatol Labiedźka pryhavorany sudom Savieckaha rajona Minska da 15 sutak aryštu za drobnaje chulihanstva i ŭdzieł u niesankcyjanavanaj akcyi. 

Ucpb.org

Ucpb.org

Takoje rašeńnie pryniała sudździa Maryna Fiodarava. Jana pryznała Labiedźku vinavatym pa artykułach 17.1 (drobnaje chulihanstva) i častki 1 art. 23.34 (parušeńnie paradku praviadzieńnia masavych mierapryjemstvaŭ) Kodeksa ab administracyjnych pravaparušeńniach. 

Za pieršaje pravaparušeńnie jon pryhavorany da 5 sutak aryštu, za druhoje — da 10. 

Labiedźka byŭ zatrymany razam z vaśmiu inšymi ŭdzielnikami pikieta 16 sakavika kala Kamaroŭskaha rynku stalicy.

Tut aktyvisty AHP pravodzili pieradvybarny pikiet, na jakim jany taksama vykazali padtrymku palitźniavolenym Biełarusi.

Na piaciarych zatrymanych – Anatola Labiedźku, Alesia Arastoviča, Uładzimira Ramanoŭskaha, Hannu Kanapackuju i Volhu Majoravu – skłali administracyjnyja pratakoły, dadaje sajt AHP.

Śpikiera Abjadnanaj hramadzianskaj partyi Hannu Kanapackuju pakarali štrafam – 30 bazavych vieličyń.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?