Ministr zamiežnych spraŭ Francyi Łaran Fabius u aŭtorak paviedamiŭ ab rašeńni «hrupy vaśmi» (G8) prypynić siabroŭstva Rasii ŭ hetaj arhanizacyi.
Pra heta jon raspavioŭ u efiry francuzskaj radyjostancyi «Europe-1», pieradaje «Interfaks-Ukraina».
«Toje, što tyčycca G8, — tak by mović, palityčnaj formy dyjałohu vialikich dziaržaŭ u cełym, my pryniali rašeńnie prypynić siabroŭstva Rasii», — zajaviŭ Fabius.
Pry hetym jon dadaŭ, što ŭ aŭtorak ŭviečary «ŭsie siem vialikich dziaržaŭ źbiarucca razam, ale biez Rasii». Jon nie ŭdakładniŭ detalaŭ i miescy praviadzieńnia hetaj sustrečy.
Adnak, pa słovach ministra, «na hety momant zaprašeńnie prezidentu Rasii naviedać Francyju 6 červienia zastajecca ŭ sile».
6 červienia ŭ Francyi adznačacca 70-ja hadavina vysadki sajuźnickich sił u Narmandyi.
Jak viadoma, paśla ahresii Rasii suprać Ukrainy lidary krain G8 admovilisia ad udziełu ŭ samicie arhanizacyi, jaki płanavałasia pravieści ŭ Sočy.