Foto iz Tvittiera EvgenyFeldman
U Simfieropali 18 sakavika bolš za tysiaču čałaviek pryšli na pachavańnie krymskaha tataryna Rešata Amietava, pa-źviersku zabitaha ŭ Krymie.
Rešat aktyŭna vystupaŭ suprać akupacyi Krymu Rasijaj, udzielničaŭ u masavych pratestach. Ranicaj 3 sakavika jon źnik pa darozie va ŭkrainski vajenkamat. Zachavaŭsia videazapis, jak nieviadomyja ludzi chapajuć jaho na centralnaj płoščy Simfieropala i vałakuć u mašynu.
Miortvaje cieła mužčyny sa śladami katavańniaŭ znajšli 15 sakavika ŭ poli kala vioski Suničnaja ŭ Biełahorskim rajonie. Jaho hałava była zamatanaja skotčam, na nahach — kajdanki.
U zabitaha zastałasia žonka i troje małych dziaciej, małodšamu ź ich 2,5 miesiacy.
