Premjer-ministr Ukrainy Arsienij Jacaniuk patrabuje sklikać kamisiju z udziełam ministraŭ abarony Ukrainy, ZŠA, Vialikabrytanii i Rasii dla taho, kab nieadkładna vyrašyć pytańnie ź siłavymi dziejańniami rasiejskich vajskoŭcaŭ u Krymie suprać ukrainskich vajskoŭcaŭ.
Pra heta premjer-ministr zajaviŭ siońnia ŭ Ministerstvie abarony.
«Siońnia rasijskija vajskoŭcy pačali stralać pa ŭkrainskich vajskoŭcam, a heta ŭžo vajennyja złačynstvy, jakija nie majuć terminu daŭninyi. Tamu nieabchodna nieadkładna sklikać supolnuju kamisiju na ŭzroŭni Ministerstvaŭ abarony Ukrainy, ZŠA, Vialikabrytanii i Rasii, jak udzielnikaŭ Budapiešckaha miemaranduma», — skazaŭ jon.
«Vyrašyć pytańnie pa niedapuščeńni dalejšaj eskałacyi vajennaha kanfliktu i pačać palityčny dyjałoh ab adnaŭleńni pravoŭ Ukrainskaj dziaržavy i ab prypynku parušeńnie normaŭ mižnarodnaha prava Rasijskaj Fiederacyjaj», — padkreśliŭ Jacaniuk.
Kamandujučy vajenna-marskimi siłami Ukrainy kontr-admirał Siarhiej Hajduk siońnia, 18 sakavika, zajaviŭ, što suprać ukrainskich vajskoŭcaŭ u Krymie ŭžo ŭžyvajuć ahniastrelnuju zbroju.
«U apošni čas stali častymi vypadki siłavoha demanstratyŭnaha zachopu vajskovych častak z vykarystoŭvańniem zbroi», — skazaŭ kontr-admirał.
«Na dadzieny momant zafiksavana vykradańnie 5 aficeraŭ. Dvuch aficeraŭ nam udałosia viarnuć, a try ŭtrymlivajucca tak zvanymi siłami «samaabarony Kryma», — skazaŭ Hajduk.
