Reuters.com
Aficyjnaje biełaruskaje ahienctva BiełTA źmiaščaje tolki infarmacyju pra telefonnuju razmovu Alaksandra Łukašenki i Uładzimira Pucina, u časie jakoj, jak havorycca, jany «abmianialisia dumkami» pra situacyju ŭ Krymie. Taksama BiełTA daje ŭ rubrycy «U śviecie» suchuju infarmacyju pra padpisańnie ŭ Kramli damovy pra ŭstupleńnie Kryma ŭ Rasiju. Praŭda, u toj natatcy niama zhadki, što refierendum u Krymie pravodziŭsia ŭ abstanoŭcy vajennaj akupacyi, supiarečyŭ zakanadaŭstvu Ukrainy i nie byŭ pryznany mižnarodnaj supolnaściu.
Z usich krain śvietu ŭčora najdalej pajšoŭ Kazachstan. MZS krainy zajaviła, što «z razumieńniem stavicca» da refierendumu ŭ Krymie i ličyć jaho «svabodnym volevyjaŭleńniem» hramadzian.
