Internet-staronka radykalnych isłamistaŭ Paŭnočnaha Kaŭkaza «Kaŭkaz-centr» aficyjna paviedamiła ŭ aŭtorak, što ich lidar Doku Umaraŭ «staŭ šachidam» — heta značyć «pakutnikam za vieru». Heta eŭfiemizm dla vyrazu: «zahinuŭ».
Pry jakich abstavinach heta zdaryłasia, nie paviedamlajecca.
Doku Umaraŭ u 2006 nazvaŭ siabie prezidentam Čačenskaj Respubliki Ičkieryi, choć na toj momant Rasija ŭžo całkam kantralavała situacyju ŭ Čačenii. U 2007 hodzie jon pierajšoŭ na pryncypy radykalnaha isłamu i ŭłasnaj zajavaj likvidavaŭ Ičkieryju, abviaściŭšy zamiest jaje «čačenski viłajat» (vobłaść) novaj virtualnaj dziaržavy, «Emirata Kaŭkaz». Jon abviaściŭ siabie emiram ŭsiaho hetaha «emirata».
Umarava i jaho hrupoŭku «Emirat Kaŭkaz» ličyli terarystami nie tolki ŭ Rasiei, ale i ŭ ZŠA.
