U Sievastopali ŭ sieradu ranicaj cyvilnyja pavalili płot i zajšli na terytoryju štaba kamandavańnia Vajenna-marskich sił Ukrainy. Pra heta paviedamiŭ kiraŭnik miedyja-centra Minabarony Ukrainy ŭ Krymie Uładzisłaŭ Sielaźnioŭ.

«Aficery, jak mohuć, strymlivajuć hetuju masu ludziej, kab jany nie raściakalisia pa terytoryi», — skazaŭ jon.

«Nu viadoma, što našy ŭkrainskija aficery suprać žančyn siłu prymianiać nie stanuć», — adznačyŭ Sielaźnioŭ.

Jon dadaŭ, što prakramloŭskich uzbrojenych ludziej niama. «Jość roznyja ludzi i ŭ maskach, i biez masak, ale ŭzbrojenych niama», — skazaŭ jon.

Sielaźnioŭ taksama dadaŭ, što na inšych punktach noč prajšła spakojna.

«Usiudy našych vajskoŭcaŭ sprabujuć pierakanać pierajści na bok ČF RF abo syści na macierykovuju častku Ukrainy», — dadaŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?