Zn.ua
Hienieralny sakratar AAN Pan Hi Mun naviedaje Rasiju i Ukrainu z aficyjnym vizitam u ramkach dypłamatyčnych namahańniaŭ, nakiravanych na sadziejničańnie bakam va ŭrehulavańni ciapierašniaha kryzisu mirnym šlacham.
20 Sakavika kiraŭnik AAN prybudzie ŭ Maskvu. Tam jon sustreniecca z Prezidentam Rasijskaj Fiederacyi Uładzimiram Pucinym, ministram zamiežnych spraŭ Siarhiejem Łaŭrovym i inšymi aficyjnymi asobami, paviedamlaje Centr navin AAN.
Zatym, 21 sakavika, Pan Hi Mun vypravicca ŭ Kijeŭ, dzie praviadzie sustrečy z vykonvajučym abaviazki prezidenta Alaksandram Turčynavym, premjer-ministram Arsienijem Jacaniukom i inšymi słužbovymi asobami.
Padčas znachodžańnia ŭ stalicy Ukrainy kiraŭnik AAN sustreniecca z členami misii AAN pa nazirańni za situacyjaj u halinie pravoŭ čałavieka i pradstaŭnikami hramadzianskaj supolnaści.
