U Pinsku školnik zahinuŭ na ŭroku. Padletak adčuŭ siabie drenna padčas fizkultury. Nastaŭniki vyklikali chutkuju, ale vyratavać chłopčyka nie ŭdałosia.

18 sakavika ŭ Pinskaje škole źvinić nie apošni, a raźvitalny zvanok. Tut zdaryłasia vialikaja trahiedyja. Piedahohi i vučni pravodziać u apošni šlach adzinaccacikłaśnika Mišu Matruniča.

Niaščasny vypadak adbyŭsia ŭ ścienach škoły. Na ŭroku fizkultury, padčas hulni ŭ futboł, chłopiec straciŭ prytomnaść i ŭpaŭ na padłohu.

Siarhiej Rohal, nastaŭnik dapryzyŭnaj padrychtoŭki pinskaj škoły № 15:

«Padbiahaju - lažyć u nienaturalnaj pozie, hladžu: pasinieńnie ŭžo, zrenki nie reahujuć, dychańnia niama, puls ja ŭžo nie moh namacać, tamu što ŭ samoha kałaciłasia ŭsio».

Padčas zdareńnia školnaj miedsiastry na miescy nie było. Pieršuju dapamohu Mišu akazvali nastaŭniki. Paźniej za žyćcio adzinaccacikłaśnika zmahalisia dźvie bryhady chutkaj dapamohi. Ale biezvynikova - chłopiec pamior prosta ŭ spartyŭnaj zale. Miša Matrunič niekalki hadoŭ zajmaŭsia futbołam i vystupaŭ na haradskich spabornictvach. Pa słovach adnakłaśnikaŭ, u tuju ranicu na pole jon vyjšaŭ u bajavym nastroi. Jak śćviardžajuć miedyki, u Mišy była pieršaja hrupa zdaroŭja. Miesiac tamu jon prachodziŭ miedkamisiju dla pastupleńnia ŭ VNU i surjoznych zachvorvańniaŭ lekary nie vyjavili.

Toje, što adzinaccacikłaśnik moh užyvać narkotyki, u škole admaŭlajuć. Leanid Darašenka, dyrektar Pinskaje škoły № 15:

« Miša ŭ nas charaktaryzavaŭsia sa stanoŭčaha boku, byŭ spakojnym, uraŭnavažanym chłopcam. Va ŭžyvańni narkatyčnych rečyvaŭ zaŭvažany nie byŭ».

Padstavaj dla vyzvaleńnia ad uroka fizkultury moža być ci miedycynskaja daviedka, ci skarha na drennaje samaadčuvańnie. Śpiecyjalna stan zdaroŭja vučniaŭ pierad zaniatkami nichto nie praviaraje. Padobny vypadak adbyŭsia kala miesiaca tamu ŭ Minsku. U škole № 147 vučań starejšych kłasaŭ pamior padčas zaniatkaŭ sportam. Jak paźniej vyznačyli ekśpierty, u chłopca byli surjoznyja prablemy z sercam.

Praŭda, nichto z nastaŭnikaŭ pra heta nie viedaŭ. Ci była hibiel padletkaŭ «spravaj vypadku», ci heta ŭžo žachlivaja zakanamiernaść, nie viadoma. U Ministerstvie achovy zdaroŭja ad kamientaroŭ admovilisia. Miša Matrunič byŭ adzinym dziciem u siamji. Pa žorstkaj ironii jon chacieŭ stać doktaram.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?