Były premjer-ministr Ukrainy, lidar partyi «Baćkaŭščyna» Julija Cimašenka viarnułasia va Ukrainu paśla lačeńnia ŭ Hiermanii.
Pra heta 19 sakavika Cimašenka napisała ŭ svaim tvitary.
Reuters.com
«Ja viarnułasia. Va ŭsich značeńniach hetaha słova. Dziakuj usim, chto padtrymlivaŭ i zmahaŭsia, i spačuvaju ŭsim, chto nie čakaŭ», — napisała Cimašenka.
Julija Cimašenka, jakaja vyjšła na svabodu 22 lutaha [była asudžana ŭ 2011 h. na siem hadoŭ] pa rašeńni Viarchoŭnaj Rady Ukrainy, prachodziła lačeńnie ŭ Bierlinskaj klinicy «Šaryte», daktary ź jakoj raniej kantralavali lačeńnie eks-premjera ŭ charkaŭskaj balnicy. Lačycca ŭ Bierlinie Cimašenku zaprasiła kancler Hiermanii Anhieła Mierkiel.