Siońnia ranicaj, 20 sakavika, u rajonie pasiołka Čanhar adbyłosia vyzvaleńnie zatrymanaha ŭ Krymie nieviadomymi asobami kamandujučaha Vajenna-marskich sił Uzbrojenych Sił Ukrainy kontr-admirała Siarhieja Hajduka, paviedamlaje ŭ svaim fejsbuku Ministerstva abarony Ukrainy. Na aŭtobusie jaho pavinny dastavić ŭ Chierson.
Hetaha ŭdałosia dasiahnuć dziakujučy nieadkładnym dziejańniam Staršyni Viarchoŭnaj Rady Ukrainy, v.a. prezidenta Ukrainy — Viarchoŭnaha Hałoŭnakamandujučaha Alaksandra Turčynava, aparatu prezidenta Ukrainy, a taksama v.a. ministra abarony Ukrainy Ihara Tieniucha, jaki pravioŭ hutarku z rasijskim ministram abarony Siarhiejem Šajhu.
Nahadajem, kontr-admirała Siarhieja Hajduka ŭčora, paśla šturmu štaba nacyjanalnaha fłota ŭ Sievastopali, vyvieli z pamiaškańnia i advieźli ŭ nieviadomym nakirunku nieviadomyja asoby.
