Los voŭka, znojdzienaha ŭ pryvatnym siektary ŭ rajonie Sucharava, vyrašyli staličnyja ekołahi. Vierdykt vyniesieny: drapiežnik zastaniecca ŭ raniejšaha ŭładalnika.
Jak paviedamiŭ načalnik adździeła dziaržkantrolu za achovaj i vykarystańniem ziamiel, lasoŭ, žyviolnaha i raślinnaha śvietu Minskaha haradskoha kamiteta pryrodnych resursaŭ i achovy navakolnaha asiarodździa Mikałaj Kozak, uładalnik voŭka ciapier pavinien kłapacicca, kab utrymlivać hadavanca ŭ naležnych umovach.
Raniej drapiežnik utrymlivaŭsia ŭ nienaležnych umovach: siadzieŭ na łancuhu, jak zvyčajny dvarovy sabaka. Uładalnik taksama nie pakłapaciŭsia pra toje, kab zrabić dla jaho valjer i narmalnuju budku.
Tamu na jaho nakłali štraf 1,3 młn rubloŭ.
Uładalnik voŭka z usimi pretenzijami pahadziŭsia. Vinu svaju pryznaŭ i paabiacaŭ, što na praciahu dvuch tydniaŭ pabuduje dla hadavanca valjer i prastornuju budku. Na navasielle abaviazkova zaprosić ekołahaŭ.
Pa słovach M.Kozaka, trymać u niavoli dzikich źviaroŭ dazvalajecca. Pry žadańni minčanie mohuć pasialić pobač z saboj janota abo lisu.
Ale ŭ takim vypadku pryjdziecca pakłapacicca ab vykanańni pryrodaachoŭnaha zakanadaŭstva. Voŭku, da prykładu, treba budzie vydzielić, 20 kvadratnych mietraŭ terytoryi, kab jon pačuvaŭsia bolš svabodna.