Kniharnia «Bukvaryum» raźmieščana ŭ handlovym centry na Niamizie, 3 (paviljon 70 na nulavym, cokalnym paviersie).
Nievialikaje pamiaškańnie zapoŭniena dziciačymi knihami (darosłych usiaho niekalki – naprykład, «Azaziel» Barysa Akunina).
Amal usie vydańni ruskamoŭnyja. Na prośbu adšukać što-niebudź pa-biełarusku pradaviec znajšoŭ tolki knihu Piatra Hlebki «Naša leta»,
vydadzienuju letaś u «Mastackaj litaratury». Ale supracoŭniki kniharni spadziajucca, što ŭžo letam na palicach źjavicca vialikaja kolkaść knih na biełaruskaj movie.
Na stadyi raspracoŭki znachodzicca sajt kniharni. Płanujecca, što knihi možna budzie zamović praź jaho. A pakul tam znachodzicca infarmacyja pra košt vydańniaŭ. Naprykład, knihu «Kali ja vyrastu, ja stanu chakieistam» možna nabyć za 135 tysiač rubloŭ.
