Fota Siarhieja Šeleha

Fota Siarhieja Šeleha

Na cyrymonii adkryćcia haściam prademanstravali suvienirny štempiel «Welcome to Belarus!». Taki adbitak moža pastavić kožny achvotny na paštoŭku abo list.

Va ŭračystaj cyrymonii adkryćcia ŭdzielničali ministr suviazi i infarmatyzacyi Siarhiej Papkoŭ, kiraŭnik administracyi Leninskaha rajona Valeryj Kuleš i hienieralny dyrektar RUP «Biełpošta» Iryna Saksonava. Jany pierarezali simvaličnuju čyrvonuju stužku.

«Tut ažyćciaŭlajecca kala 20% ad usich apieracyj z paštovymi adpraŭleńniami ŭ cełym pa krainie, — adznačyŭ S. Papkoŭ. — My praviali maštabnuju rekanstrukcyju zały, vykanali raboty pa madernizacyi i aŭtamatyzacyi ŭsich technałahičnych pracesaŭ. Pastaralisia stvaryć aptymalnyja ŭmovy dla absłuhoŭvańnia klijentaŭ».

Jon taksama padkreśliŭ, što ŭ 2013 hodzie na biełaruskaj pošcie była zavieršana madernizacyja aŭtamatyzavanaj rassyłki drobnych paštovych adpraŭleńniaŭ, a na praciahu 2014—2015 hadoŭ płanujecca pabudavać dva łahistyčnych centra dla apracoŭki mižnarodnaj pošty.

Siońnia taksama ŭviali ŭ zvarot śpiecyjalnyja paštovyja štempieli ź pieravadnoj kalandarnaj dataj «Minsk-paštamt». Nahadajem, da hetaha času dziejničaŭ kalandarny štempiel «Miensk. Centr pa pradastaŭleńni pasłuh».

Hanarovyja hości taksama zrabili nievialikuju ekskursiju pa zale. Paśla zaviaršeńnia cyrymonii abnoŭlenuju zału naviedali pieršyja klijenty.

U jakaści suvienira byŭ pradstaŭleny śpiecyjalny štempiel «Welcome to Belarus!». Ź siońniašniaha dnia žadajučyja mohuć pastavić hety suvienirny adbitak na list ci paštoŭku.

Adkryćcio kruhłaj zały minskaha paštamta zaviaršyłasia akcyjaj «Viasnovaja łastaŭka». Žadajučym prapanavali biaspłatna adpravić rodnym i blizkim paštoŭki. U chodzie akcyi śpiecyjalisty padkazvali, jak pravilna ŭkazvać adras na paštovych adpraŭleńniach, kab jany biez pramarudžańnia prachodzili ŭsie etapy apracoŭki na abstalavańni pradpryjemstva.

Minski paštamt adčynyŭ svaje dźviery 28 sakavika 1955 hoda. Budynak možna nazvać tvoram ručnoj pracy — jon budavaŭsia biez kranaŭ i śpiectechniki, tolki namahańniami rabočych.

U centralnaj zali paštamta ŭstalavany znak, jaki pakazvaje adlehłaść da haradoŭ Biełarusi i Jeŭropy. Tut ža znachodziacca samyja dakładnyja hadzińniki, jakija pakazvajuć čas šmat jakich haradoŭ płaniety.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?