Rasija ahučyła «čorny śpis» z aficyjnych asobaŭ ZŠA u adkaz na sankcyi, abjaŭlenyja prezidentam ZŠA Barakam Abamam.

Rasijski MZS zajaviŭ, što 9 aficyjnym asobam i členam Kanhresa ZŠA zakryvajecca ŭjezd u Rasijskuju Fiederacyju. Siarod ich — namieśnica pamočnika prezidenta ZŠA pa nacyjanalnaj biaśpiecy Kerałajn Atkinsan, pamočniki Baraka Abamy Denieł Pfajfier i Biendžamin Rode, sienatary Džon Makiejn,Mery Łendru i Denieł Koŭc.

Taksama Maskva zabaraniła ŭjezd na rasijskuju terytoryju dla lidara frakcyi bolšaści ŭ Sienacie Kanhresa ZŠA Hary Ryda, śpikiera Pałaty pradstaŭnikoŭ Kanhresa ZŠA Džona Bejnara i staršyni sienackaha kamiteta pa zamiežnych spravach Robierta Mieniendesa, infarmuje VVS.

Nahadajem, Barak Abama siońnia abjaviŭ pra pašyreńnie śpisu rasijskich hramadzian, jakija patrapiać pad sankcyi za sadziejańnie aneksii Kryma Rasijaj. Jon papoŭniŭsia imionami śpikiera Dziarždumy Siarhiej Naryškina, biznesmienaŭ Hienadzia Cimčanki, bratoŭ Ratenbierhaŭ, Juryja Kavalčuka, kiraŭnika Rasijskaj čyhunki Uładzimira Jakunina, deputata Dziarždumy Siarhieja Žaleźniaka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?