Viarchoŭny sud Biełarusi siońnia pryniaŭ rašeńnie adnosna skarhi niezarehistravanaha hramadzkaha abjadnańnia «Viasna» da Ministerstva justycyi.
23 lipienia ŭ Ministerstva justycyi byli padadzienyja ŭsie nieabchodnyja dakumenty dla rehistracyi. Roŭna praź miesiac «Viaśnie» ŭ rehistracyi admovili . Z pryčyny taho, što 20 z 69 zasnavalnikaŭ byli administracyjna pakaranymi, a niekatoryja ź ich navat piać raz.
Paśla hetaha pravaabaroncy padali skarhu ŭ Viarchoŭny sud. Razhlad spravy pačaŭsia ŭ aŭtorak, ale amal adrazu byŭ pieraniesieny, bo pravaabaroncy zapatrabavali ad Ministerstva justycyi pradstavić dakumenty na biełaruskaj movie, a taksama vieści praces pa‑biełarusku . Siońnia sudździa Jachnaviec, jakaja začytvała prysud pa‑biełarusku, paličyła pravamocnym rašeńnie Miniustu. Padčas začytvańnia prysudu juryst Uładzimier Łabkovič demanstratyŭna sieŭ na łavie, pratestujučy suprać niespraviadlivaha na jahonuju dumku rašeńnia.
Nahadajem, što pravaabarončaja arhanizacyja «Viasna» była likvidavanaja vosieńniu 2003 hodu. Z toha času arhanizacyja faktyčna pracuje ŭ padpolli. Za čas svajho isnavańnia «Viasna» dapamahła ŭžo tysiačam represavanych hramadzianaŭ.
